DIRETÓR EZEKUTIVU ADN, I.P PARTISIPA ASINA AKORDU ENTRE MTCI HO KOMPAÑIA HABERAN KONA-BA ESTUDU VIABILIDADE BA PROJETU PARQUE INDUSTRIÁL
- Publika husi: Samuel
- Loron: 25/Mar/2022
DIRETÓR EZEKUTIVU ADN, I.P PARTISIPA ASINA AKORDU ENTRE MTCI HO KOMPAÑIA HABERAN KONA-BA ESTUDU VIABILIDADE BA PROJETU PARQUE INDUSTRIÁL
Loron-kinta, 24 de Marsu 2022: Diretór Ezekutivu ADN, I.P Eng. Mariano Renato Monteiro da Cruz partisipa iha asinatura estakordu kona-ba estudu viabilidade ba projetu Parque Industriál entre Ministru MTCI, Dr. José Lucas do Carmo da Silva no Kompañia Haberan.Unipessoal.Lda iha salaun enkontru Gabinete Ministru, Fomento, Díli.
Estudu viabilidade ne’ebé kompañia Haberan.Unipessoal.Lda sei halo estudu viabilidade ba projetu Parque Indústrial ne’e sei hala’o durante fulan haat iha Ulmera, Munisípiu Liquiça ne’ebé mak sei envolve husi parte liña minstriál sira nomós instituisaun hanesan ADN, SGP no CAN.
Projetu lideradu husi Vise Ministru Komérsiu no Industria, Domingos Lopes Antunes ne’ebé mak sai hanesan Prezidente ba Komisaun Koordenasaun Interministeriál hodi halo koordenasaun serbisu atu bele hetan rezultadu ida ne’ebé di’ak nune’e bele implementa no sai hanesan meius atrativu ida ba investór nasionál nomós Internasionál atu bele investe hodi bele kriak mós oportunidade kampo serbisu iha área indústria nian iha futuru.
Mídia ADN
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;