Loron-sesta 4 Marsu 2022: Diretór Ezekutivu Ajénsia Dezenvolvimentu Nasionál, Institutu Públiku (ADN, IP) Eng. Mariano Renato Monteiro da Cruz akompaña husi Adjuntu Diretór Eng. Januario M. Guterres nomós Assessora Nasionál JFP & GESI, Sra. Epi Orleães, Assessora UCVQ & UAP Rosaria Elizabeth A. Cardoso Amaral no tékniku sira hala’o reuniaun virtuál ho Embaixada Austrália no Sr. Charles Andrews espesialista infraestrutura husi Austrália nu’udar xefe ekipa tékniku independente.

Tuir karta konvite reuniaun ne’e ko’alia kona-ba “Analysis of Australia Road support”. ne’ebé haree liu-liu ba asuntu Estrada Rurál ou ba Programa Rural for Development (R4D) ne'ebé durante ne'e governu Austrália fó asisténsia téknika liu husi ILO ne’ebé implementa dezde 2012 no sei remata iha dia 30 Dezembru 2022.

Objetivu husi reuniaun ne’e Embaxada Austrália no ekipa independente hakarak atu hatene informasaun balun husi Governu Timor-Leste iha dezenvolvimentu área Estrada rurál liu-liu ba programa R4D ne’ebé sei remata iha tinan ida ne’e atu Governu Austrália bele defini fali polítika foun ba futuru implementasaun programa R4D. .

Ekipa Tékniku independente lideradu husi Sr. Charles Andrews husi Austrália ho nia membru sira hanesan Sr. Osorio Correrio do Rego péritu timoroan iha dezenvolvimentu setór privadu, Dra. Tanya Caulfield, Espesialista ba Iguladade Jéneru, Defisiénsia no Inkluzasaun Sosiál.

Iha reuniaun virtuál ne’e toka mós asuntu kestaun Jéneru, Defisiénsia no Inkluzasaun Sosiál liu-liu oinsa atu iha futuru bele envolve másimu liután feto liu husi kapasitasaun ba sira-nia koñesimentu hodi bele partisipa iha implemetasaun infraestrutura iha nível nasionál nomós iha rurál.

Enkontru ne’e la’o ho produtivu tebes no ekipa tékniku independete sei partilla fali relatóriu konsultasaun ho ADN iha futuru no sei kontinua halo kontatu ba informasaun adisionál kazu presiza.

Mídia ADN