Dili-Loron Kuarta 30 Marsu 2022- Diretór Ezekutivu Ajensia Dezenvolvimentu Nasionál Institutu Públiku (ADN.IP Eng. Mariano Renato Monteiro da Cruz hala’o enkontru ho S.E Vise Ministru Obras Públika Eng. Nicolau Lino Freitas Belo hamutuk ho Diretor Jeral MOP no mós tékniku sira iha sala enkontru Diretór Ezekutvu ADN-Fatuhada.

Iha enkontru ne’e Sua Exelensia Vise Ministru Obras Públika hamutuk ho Diretór no tékniku sira ko'alia kona-ba projetu emerjénsia hodi konsidera hanesan prioridade atu implementa hanesan konstrusaun estrada públiku iha área Tasi-tolu ne’ebé atu realiza selebrasaun loron 20 de Maiu nomós serimónia tomada de pose ba Prezidente Eleitu 2022-2027.

Tuir S.E Vise MOP, dokumentu sira kona-ba projetu ne’e sira hahú prepara dezeñu no BoQ tanba ne’e presiza halo koordenasaun ho ADN, IP atu aselera verfikasaun ba dokumentu sira ne’e atu priense rekezitu ruma hodi ba aprezenta iha CAFI hodi diskute atu prepara fundus no tékniku sira hodi implementa lalais iha tempu badak.

Alende ne’e mós diskute projetu emerjénsia sira seluk hanesan rehabilitasaun ba ponte Welolo iha munisípiu Viqueque no Estrada iha ne’ebé mak hetan estragus inklui mós ponte bee-moos iha Sarlala munisípiu Aileu nian.  

Mídia ADN