Atu hare implementasaun Programa Planeamento Desenvolvimento Integrado Municipal (PDIM) 2016, Diretor Geral Agênsia ba Dezenvolvimentu Nasional (A.D.N) Sr. Samuel Marçal, hamutuk ho nia Primeiru Adjuntu Sr. Alexandre Sarmento, konvoka inkontru ho Administrador Municipio Baucau. Kuarta, dia 09 de Março 2016 iha Baucau
Partisipa iha inkontru ne’e mak hanesan,Administrador Baucau ho nia Funsionariu sira,reprezentante empreteriu lokal sira husi Munisipiu Baucau, nomos reprezentante A.D.N Munisipiu Baucau.
Hafoin remata inkontru ne’e Primeiru Adjuntu DG informa ba Média A.D.N katak, objetivu husi inkontru ne’e, atu koalia ho Administrador Baucau hamutuk ho impreterio sira konaba implementasaun programa PDIM ba tinan 2016. Adjuntu DG hatutan katak, iha tinan ne’e implementasaun programa PDIM barak liu mak iha Municipio Baucau, iha Postu-Administrativo Laga, Quelicai no Baguia. “Ohin ami tur hamutuk ho impreterio sira hodi fo hanoin, tamba sira hanesan parseiru guvernu nia hodi hare ezekusaun programa hirak ne’e lao tuir tempu, kustu nomos kualidade” Dehan Primeiru Adjuntu DG.
Entretantu, Adjuntu DG informa tan katak, konaba empreteiro lokal sira ne’ebe agora dadauk implementa hela projetu no to’o oras ne’e ladauk remata (sei lao hela) sei la fo aumenta tan projetu hodi nune’e bele evita atrazu hodi asegura obra nebe mak impreterio sira halo hela ne’e lao tuir tempu nebe determina ona.
Iha biban ne’e DG hamutuk ho nia ekpa vizita mos Hospital Referral Baucau hodi hare diretamente progressu servisu iha Hospital refere.
Alende ne’e, ho laran kma’an DG ba hare tan, fatin ou lokalidade atu hari uma ba Veteranos nain walu (8) iha Tirilolo Baucau. Iha biban ne’e DG fo hanoin ba Veteranos sira atu hare fatin nebe estratejiku, besik be’e matan, nomos besik ho estrada bo’ot. “hau sei halo tan kordenasaun ho Jeneral hodi bele desidi hamutuk” Dehan DG
(Media-A.D.N)
