Adjuntu Diretur Ajensia de Dezenvolvimentu Nasional (A.D.N) Sr. Alexandre Sarmento, nomos Xefi Diresaun Quality Control (QC) Sr. Januario Guterres akompanha Serimonia Inagura Rehablitasaun fatin Infermeira Espesial nomos unidade medical checkup iha Hospital Nasional Guidu Valadores, Tersa dia 07 de Outubru, 2014.
Hafoin remata Inagurasaun ne’e Ajuntu-DG informa ba Media katak, objetivu Ministru da Saude konvida A.D.N mai partisipa iha Serimonia Inagurasaun ne’e tamba rehablitasaun ne’e hetan finanseira huai A.D.N.
Partisipante nebe partisipa iha Iha serimonia Inagurasaun ne’e mak hanesan, reprezentante husi Forsa FFDTL, Reprezentante husi Polisia Nasional Timor Leste (PNTL) Reprezentante Parlamentar husi Komisaun F, Reprezentante husi UNICEF,Diretores da Kompanhas inklui Membru Ministeriu da Saude nebe servisu iha HNGV.
Enternatu Diretor Ezekutivu HNGV (Hospital Nacional Guido Valedares) Sr. José Antonio Gusmão Guterres iha ninia diskursu hato’o Agradese ba Sua Excelencia Primeiro Ministro Kay Rala Xanana Gusmão nebe fo suporta ba Saude hodi halo rehablitasaun edifisius rua ne’e to’o remata, ho Total orsamentu Kuaze USD $200.000.00 e tal
“Ohin Objetivu ita mai halibur iha fatin ida ne’e, hakarak re-abertura hikas infermeira Espesial nebe uluk hanaran VIP (very Important Person) nebe troka ona naran ba Infermeira Espesial nomos Unidade Medical Checkup”Dehan Diretor Ezekutivu.
Tuir Diretor Ezekutivu katak, Infermeira VIP ne’e tenki muda, tamba Ministeriu da Saude lakoi iha diskriminasaun entre ema ki’ik ho ema bo’ot, tamba ita nia kondisaun agora seidauk to’o atu fornese servisu VIP.
Nune’e mos Ministru da Saude Sr. Sergio Lobo hatutan tan katak, servisu hirak nebe mak ita hala’o ne’e esforsu tomak husi Parlamentu Nasional, nomos guvernante seluk inklui A.D.N.
Ho nune’e Ministeriu da Saude fo agradese ba A.D.N tamba ho servisu hamutuk nebe diak, hanesan liu husi inspesaun no fo asistensia teknika mak bele finalize rehablitasaun edifisius rua ne’e.
*(Media A.D.N)*
