Diretur Geral Agensia de Dezenvolvimentu Nasional (A.D.N) Sr. Samuel Marcal Akompanha Asina Kontratu Grupu Komunitária iha Salaun Inkontru Futuru Munisipiu Distritu Dili Sesta dia 18 de 07 de 2014.
Distritu Dili mak ikus liu halo asina kontratu ba Grupu Komunitaria, konvidadus nebe partisipa kompostu husi, Vice Ministra Edukasaun Sra. Dulce de Jesus Soares, Vice Ministra Saude Sra. Maria do Ceu Sarmento P. da Costa, inklui A.D.N
Antes halo asina akordu, Administrador Distritu Dili Sr. Gaspar Soares husu ba Prezidente Asosiasaun Pais dos Professores (APP) sira nebe asina ona kontratu ne’e atu halo didiak servisu, tamba tuir durasaun ka orariu atu halo servisu ne’e iha fulan lima nia laran de’it sura husi fulan Jullu agora to’o Novembru.
“Projetu rehablitasaun patrimonia ne’e la hanesan ho PDID nomos projetu sira seluk, tamba ne’e ohin ita bo’ot sira nebe halo ona asina kontratu hau husu atu responsabilidade hodi kaer obra ne’e ho didiak, hodi nune’e implementasaun projetu ne’e bele lao ho diak no garante nia kualidade”dehan Administrador.
“Iha tinan ida ne’e ita lao ho rehablitasaun ba eskola sira nebe mak persija hadiak, kuandu imi halo servisu ne’e ho sussesu, governu sei fo fiar nafatin ba imi hodi halao servisu hanesan ne’e, imi hatene ona katak depois remata fulan Novembru tenki inagura ona ”Dehan DG-A.D.N
Iha tempu hanesan Vice Ministra hateten ba Prezidente APP sira katak wainhira simu ona kna’ar ida ne’e prezidente sira iha obrigasaun ba servisu hirak nebe mak grupu komunitária sira atu halao. “Fiar ida nebe mak husi Sua Excelencia Primeiru Ministru liu husi A.D.N, hodi jere orsamentu uit oan atu hare Eskolas iha teritoriu Timor laran tomak ninia difikulidades hanesan eskola a’at, meza kadeira laiha nomos buat seluk tan nebe mak persija hadiak”.Dehan Vice Ministra Edukasaun
Ministra hatutan tan katak, iha tinan ida ne’e eskolas nebe mak fo perioridade liu ne’e iha 307 eskolas, maibe seidauk kobre hotu.
Entertantu Vice Ministra Saude fo agradese ba Sua Excelencia Primeiru Ministro tamba Sua Excelencia iha hanoin hodi tau osan hamutuk atu halo rehablitasaun sector Saude no Edukasaun.
“Ministériu rua ne’e mak imfrenta problema barak liu duke ministériu sira seluk, komplikadu dunik nomos atraza teb-tebes servisu iha Sukus no aldeia, tan ba ne'e mak Guvernu fo atensaun bo’ot ida ba iha Ministeriu rua ne’e”.Dehan Vice Ministra Saude.
Entertantu Asina akordu hanesan hala’o hotu ona iha Distritu sanulu resin tolu final ou ikus liu mak iha Distritu Dili
*Media A.D.N*
