Diretur Geral ADN Sr. Samuel Marçal hamutuk ho Ministru Administrasaun Estatal Jorge da Conceição Teme halo sorumotuk ho Lider Comunitaria Distritu Aileu, konaba Preparasaun loron 28 Novemberu nebe sei komemora iha Aileu, Kinta 4/06/2014.
Objectivu DG-ADN akompanha sorumutuk ne’e atu fo hanoin hikas ba Administrador sira konaba preparasaun komemora loron 28 de Novembru tamba, ADN mak sei toma konta ba assuntu infraestrutura nomos monta estatua Saudozu Prezidente Nicolao Lobato.
Ministru Estatal Sr. Teme iha nia diskursu hateten katak ekipa ADN inklui tamba, preparasaun ida ne’e halai liu ba iha tekniku, tamba ADN mak sei toma konta hotu parte infraestrutura no hari’i monumento Eis Saudozu Prezidente Nicolao Lobato.
Diretur ADN iha nia diskursu husu ba Aileu oan sira atu uza didiak oportunidade ne’e atu bele hadiak rai Aileu sai furak liu tan, tamba wainhira Estrada diak no monumentu nebe mak atu hari bele atrai mos ema hodi mai halo viazen mai Aileu.
“Guvernu iha planu diak; serimonia ida ne’e atu halo iha Distritu hotu-hotu, ida ne’e oportunidade diak ba ita atu bele hadiak ita nia rai diak liu“, Dehan DG-ADN
DG hatutan katak, buat hotu atu lao diak depende ba ita nain, tamba ema nebe mai husi liur ne’e dala ruma mai tamba nia hala’o ninia projetu, maibe depois projetu ne’e hotu fila fali ba sira nia fatin, tamba ne’e DG husu ba rai nai sira mak fo uluk ou hamosu ideia no loke laran atu dezenvolve rai ne'e ho diak.
*Media ADN*
