Direktur Jeral Ajensia de Dezenvolvimentu Nasional Sr. Samuel Marçal akompanha Sua Excelecia Primeiru Ministru Kay Rala Xanana Gusmão ba observa Estatua Eis Prezidente RDTL Nicolao Lobato nebe kompanha Nananio hatur ona iha rotunda Comoro, Sesta dia 09 de Maiu, 2014.
Objectivu Sua Exelencia Primeiru Ministru ho urjente ba halo observa projeitu ne’e tamba Inagurasaun ba projetu refere atu halo iha loron 18 fulan Maiu 2014 tinan ne’e.
Sua Excelencia Primeiru Ministru informa katak estatua eis Prezidente Nicolao Lobato ne’e la tuir dezenhu tamba kilat nebe eis prezidente kaer ne’e la hanesan ema military mak kaer kilat maibe hanesan sidadaun bai-bain mak kaer kilta tamba ne’e sua Excelencia hateten persija hadiak fila-fali.
Tuir Sua Excelencia katak, kilat labele kaer deit hanesan ne’e pozisaun estatua tenke hateke ba parte norte.
Membrus Guvernu nebe akompanha Sua Excelencia Primeiru Ministru kompostu husi, Secretaris Estadu da Defeza Sr.Julio Tomas Pinto, Secretaris Estadu Seguransa Sr. Francisco Guterres, Ministru Obras Publika Sr. Gastão de Sousa, Ministru Estatal Sr. Jorge da Coceição Teme, Secretaris Estadu Eletrisidade Sr. Januario Pereira, inklui A.D.N
Hatan ba lamentasaun konaba Estatutua eis prezidente ne’e Diretur Jeral Ajensia de Dezenvolvimentu Nasional Sr. Samuel Marçal informa ba Media katak, persija duni hadiak Estatua nia pozisaun kaer kilat ne’e iha tempu badak.
“Ita sei husu ba kompanha ne’e hodi hadiak fali nune’e ita hare jeitu hanesan ema militar”.Dehan Direktur.
Direktur hatutan tan katak, Total orsamentu nebe gastu hodi halo rehablitasaun no gasta ba estatua ne’e hamutuk dolar amerikanu milliaun ida.
*Media “A.D.N”*
